Does a million views on social media mean a million dollars?

សួស្ដី!!​ ខ្ងុំបាទ​ Jamie Raine (​ចេមី រ៉េន)​

ខ្ងុំបាទ​ជាសហស្ថាបនិក និង​ នាយក​ផ្នែកបច្ចេកវិទ្យានៅ​ Indriya និង​​ជា​ content creator មួយរូបផងដែរ។ ខ្ងុំបាទ​បានធ្វើ​ការផ្សព្វផ្សាយទីផ្សារ និង​ ធ្វើពាណិជ្ជកម្ម លើបណ្តាញសង្គម Facebook និង Youtube រឺ គេហៅថា “Digital Marketing”​បានយ៉ាងជោគជ័យ។

ប៉ុន្តែគោលបំណងរបស់ (blog) រឺ អត្ថបទនេះ គឺចង់មកបង្ហាញការយល់ខុសអំពីភាពជោគជ័យនៃការធ្វើពាណិជ្ជកម្មលើបណ្តាញសង្គម​នាៗ ដោយចែករំលែកនូវបទពិសោធន៍ផ្ទាល់ខ្លួន និង វិជ្ជាជីវៈរបស់ខ្ញុំផ្ទាល់។

ហេតុអ្វីបានជាអ្នកគួរតែស្តាប់ខ្ញុំ?

ពីព្រោះរយះពេល ២​ ឆ្នាំកន្លាះមកនេះ​ ដែលខ្ងុំបាទ​បាននៅស្រុកខ្មែរ, ខ្ងុំបាទគឹជា content creator និង អ្នកធ្វើពាណិជ្ជកម្មលើបណ្តាញសង្គម​​។​ ពេលដំបូងខ្ងុំ មានអ្នកគាំទ្រលើ​ Facebook ១០០នាក់ តែប៉ុណ្នោះ ប៉ុន្តែឥលូវខ្ងុំមានទៅដល់ ៥០,០០០​ នាក់។​

2021- វីដេអូថ្មីៗ

ការងារក្នុងវិស័យនេះ​ មិនដូចអ្វីដែលខ្ងុំបានគិតឡើយ ព្រោះកាលពី២ឆ្នាំមុន ប្រពន្ធខ្ងុំ (Jany Min) និង ខ្ងុំបាន​បង្ហោះ​ចម្រៀងមួយបទដែលមានចំណងជើងថា​ “10 Days”  ហើយប្រហែលបានជាមួយសប្តាហ៍ បទចម្រៀងនេះបានផ្អើលពេញ Youtube និង​មានអ្នកមើលរហូតទៅដល់ ១​លាននាក់។​ ហើយតាំងពីពេលនោះមក​ ខ្ងុំបានចូលក្រុមការងារមួយ ឈ្មោះថា​ “Workaholics” ដែលដឹកនាំដោយ Nikki Nikki (ស្ថាបនិករបស់​ Workaholics)។​

ប៉ុន្តែសួរថា តើខ្ងុំនឹងក្លាយទៅជាអ្នកមានមែនអត់ បើខ្ងុំមានអ្នកមើល ១លាននាក់នៅក្នុង Youtube?​

ចម្លើយ: អត់ទេ​ (បើយើងនៅស្រុកខ្មែរ)

ជាទូទៅកិច្ចព្រមព្រៀងដៃគូ​ (Partner Agreement) របស់​ Youtube ​និង​ Facebook មានការបង្កើតការរកប្រាក់លើមាតិកាឌីជីថល​​(Digital Content)​ ប៉ុន្ដែដោយសារតែកិច្ចព្រមព្រៀងនេះមិនមានការអនុវត្តនៅប្រទេសកម្ពុជា ដូច្នេះ​ហើយទើបមិនអាចរកប្រាក់លើមាតិកាឌីជីថល​​បាន។​ យ៉ាងណាក៏ដោយ ដើម្បីដោះស្រាយបញ្ហានេះយើងអាចប្រើ VPN និងរៀបចំគណនីនៅក្រៅប្រទេសកម្ពុជា។ 

ខ្ញុំជាពលរដ្ឋអូស្រ្តាលីហើយមានគណនីធនាគារនៅប្រទេសអូស្ត្រាលី ប៉ុន្តែក៏នៅតែមានបញ្ហាដែរ​ ពីព្រោះថ្លៃដើមសម្រាប់ការមើលរបស់អ្នកប្រើប្រាស់ Youtube នៅក្នុងប្រទេសកម្ពុជាមួយនាក់ គឺមិនខ្ពស់ទេដោយសារតែដែនកំណត់ក្នុងតំបន់ដែលបានចែងនៅក្នុងកិច្ចព្រមព្រៀងដៃគូរបស់ Youtube។​​ ឧបមាថាបទ “10​ Days​” ដែលខ្ងុំបានបង្ហោះលើ Youtube ខ្ងុំរកបានតែ ៧៨.៦៨ ដុល្លារ​(USD 78,68) សំរាប់​ការមើលចំនួន ១លាននាក់( 1Million Viewers)​។​

ដូច្នេះ តើអ្នកគួរធ្វើដូចម្ដេច ដើម្បីរកលុយបានលើបណ្ដាញសង្គម​?​

កុំគឹតច្រើនពេក​​​​​​​​​​​​​​​ ជាបន្ទាប់ខ្ញុំនឹងប្រាប់ពីគន្លឹះដ៏សំខាន់ សំរាប់ការកចំណូលតាមសង្គមបណ្ដាញ​អ៊ីនធឺណិត។ យើងអាចបង្កើតប្រាក់ចំណូលបានច្រើនគួរសមតាមបណ្ដាញសង្គមអ៊ីនធឺណិត ដោយប្រើប្រជាប្រិយភាពរបស់យើង បូករួមជាមួយការឆ្នៃប្រឌិត​ ដោយផ្តល់សេវាកម្មដល់ក្រុមហ៊ុន ឬ ប្រ៊ែនផ្សេងៗ។ 

យើងមើលឃើញថានៅប្រទេសកម្ពុជា មានការពេញនិយមលើការតាមដាន ក្នុងបណ្ដាញសង្គមច្រើន។ ដូចនេះហើយបានជាមានក្រុមហ៊ុន និង ប្រ៊ែនជាច្រើនមានការចាប់អារម្មណ៍ទៅលើការផ្សព្វផ្សាយទីផ្សារ  ដោយប្រើ “content creator” ។

ប៉ុន្តែយើងត្រូវធ្វើបែបណាទៅទាក់ទាញប្រ៊ែនទាំងនោះបាន?

>វិធីគឺមាន ២ ដែលសាមញ្ញបំផុតៈ 

  • ក្រុមហ៊ុនដែលស្វែងរកយើងផ្ទាល់
  • យើងអាចធ្វើការទាក់ទងទៅក្រុមហ៊ុន និង ប្រ៊ែនទាំងនោះ

សំរាប់ខ្ងុំវិញ ជំរើសទី២គឺជាជំរើសប្រសើរជាងព្រោះយើងបានជួបជាមួយក្រុមហ៊ុនច្រើនជាង និង ដោយសារជំរើសទី១ គឺពឹងផ្អែកទៅលើសំណាងខ្លាំងពេក​ បើសិនជាអ្នកទើបតែចាប់ផ្តើមធ្វើលើវិស័យនេះ។​

ខ្ញុំពិតជាមានសំណាងណាស់ព្រោះកាលពីឆ្នាំមុនខ្ញុំទទួលបានការចាប់អារម្មណ៍ពីក្រុមហ៊ុនជាច្រើនដែលចង់ក្លាយ ជាដៃគូរសហការជាមួយពួកយើង ក៏ប៉ុន្តែសំណាងមិនមានរហូតទេ ដូចកាលពីពេលចាប់ផ្ដើមដំបូង។ ពីដំបូងខ្ញុំត្រូវស្វាស់ស្វែងរកក្រុមហ៊ុនេះជាបានច្រើន ដើម្បីឲ្យបទពិសោធន៍ និង ផលប័ត្ររបស់ខ្ងុំមានសភាពល្អ ដែលធ្វើឲ្យប្រ៊ែន រឺ ក្រុមហ៊ុនចង់សហការការងារជាមួយខ្ងុំ ដោយអោយក្នុងតំលៃសមរម្យមួយ។   

តើត្រូវប្រើយុទ្ធសាស្រ្តអ្វី ដើម្បីឲ្យប្រ៊ែនដឹងពីសក្តានុពលរបស់ “content creator”? 

ជាទូទៅពេលដែលប្រ៊ែនធ្វើការផ្សព្វផ្សាយផលិតផលអ្វីមួយ​​ គេតែងតែរកជួលទីភ្នាក់ងារមួយដើម្បីបង្កើតនូវគំនិតផ្សាយពាណិជ្ជកម្ម​ រួចស្នើសុំថវិកា​សំរាប់ធ្វើទីផ្សារ​ ហើយនៅពេលយុទ្ធនាការចប់ ​​ពួកគេច្រើនតែធ្វើជារបាយការណ៍បង្ហាញពីប្រសិទ្ធភាពនៃយុទ្ធនាការទីផ្សារ (Digital Marketing Strategy) នោះ។​ 

ដូច្នេះ ក្នុងនាមយើងជា content creator មួយរូប យើងគួរតែប្រើ concept “Return of Investment (ROI)” ដើម្បីបញ្ជាក់ពីមូលហេតុដែលធ្វើឲ្យ content creator មានសក្តានុពល។ ​Conceptនេះ​​​ គឺឲ្យក្រុមហ៊ុនយកលទ្ធផលទៅវិភាគនូវផលចំណេញរបស់យុទ្ធនាការទីផ្សារនោះ តាមរយះការសង្កេតមើលទិន្នន័យ ដើម្បីស្វែងយល់ពីអត្ថប្រយោជន៍នៃការសហការជាមួយ content creator។​

silver laptop on white table

នៅពេលដែលអ្នកណែនាំខ្លួនទៅក្រុមហ៊ុន រឺ ប្រ៊ែន អ្នកត្រូវឆ្លើយសំនួរ​ ២:

  • តើអ្នកសមនឹងគុណតំលៃរបស់ប្រ៊ែនដែររឺទេ?
  • តើតម្លៃសេវាដែលគេអោយអ្នក នឹងផ្តល់ផលប្រយោជន៏ដល់ការធ្វើទីផ្សាររបស់ក្រុមហ៊ុនគេដែេរឺទេ?​

ក្នុងនាមជា content creator មួយរូប ទាមទារការព្យាយាមតស៊ូ និង ស្វែងរកភាពឆ្នៃប្រឌិតថ្មីៗ ដើម្បីយកមកបញ្ចូលទៅក្នុងការបង្កើតមាតិការបស់យើង។ ដើ់ម្បីបង្កើតមាតិកានីមួយៗដែលមានគុណភាពខ្ពស់ គឺត្រូវការ ការយកចិត្តទុកដាក់ និង ការកែឆ្នៃឲ្យមានភាពទាក់ទាញ និង បង្កប់នូវអត្ថន័យសម្រាប់អ្នកទស្សនា និង ផ្ដល់ទំនុកចិត្តដល់ដៃគូរសហការយើងផងដែរ។ ពីព្រោះនៅពេលដែលយើងទទួលបានប្រជាប្រិយខ្ពស់ និង​ ការគាំទ្រកាន់តែកើនឡើង វានឹងទាក់ទាញក្រុមហ៊ុនល្អៗ​​ ដែលស្មាក់ចិត្តនឹងធ្វើការជាមួយយើង។​

ខ្ងុំបាទសង្ឃឹមថា​ បងប្អូនចូលចិត្តអត្ថបទនេះ​ ហើយបើមានចម្ងល់ រឺ សំណួរ បងប្អូនអាចធ្វើការអីម៉ែលមកខ្ងុំបាទតាមរយះ jamie@indriyacs.com

Leave a Reply

Your email address will not be published. Required fields are marked *

Categories

Connect

Featured

Read More

Related Posts

Lifestyle

អត្ថប្រយោជន៍នៃការធ្វើលំហាត់ប្រាណជាប្រចាំ

តាំងពីខ្ញុំនៅក្មេង ម៉ាក់និងប៉ាតែងតែលើកទឹកចិត្តខ្ញុំឱ្យព្យាយាមលេងកីឡាគ្រប់ប្រភេទដែលអាចធ្វើទៅបាន រហូតដល់ខ្ញុំរកឃើញអ្វីដែលខ្ញុំស្រឡាញ់។ ការពិតគឺខ្ញុំមិនដែលរកឃើញកីឡាណាមួយ ដែលខ្ញុំចូលចិត្តបំផុតនោះទេ ប៉ុន្តែខ្ញុំទទួលបានភាពរីករាយនឹងកីឡាគ្រប់ប្រភេទ។​​​  កីឡាបានបង្រៀនខ្ញុំនូវ​ ភាពអត់ធ្មត់​ ការគោរពវិន័យ និង ការគ្រប់គ្រងអារម្មណ៍។ ខ្ញុំចាំថាខ្ញុំបានចូលរួមការប្រកួតកីឡាវាយកូនបាល់ (Tennis) ក្នុងប្រទេសអេស្បាញ នៅពេល​នោះខ្ញុំចាញ់ការប្រកួតជាមួយគូប្រជែងដែលមិនសូវមានបទពិសោធន៍​ ដោយសារតែខ្ងុំមិនអាចគ្រប់គ្រងអារម្មណ៍បានល្អ។ ដូចនេះហើយពេលយើងនិយាយអំពីកីឡា ការគ្រប់គ្រងអារម្មណ៍មានសារៈសំខាន់ខ្ពស់ ប៉ុន្តែអត្តពលិក និង អ្នកស្នេហាវិស័យកីឡាដទៃទៀត តែងតែពឹងផ្អែកលើទេពកោសល្យក្នុងផ្លូវឆ្ពោះទៅរកភាពជោគជ័យ។ ការសិក្សារបស់ Carol Dweck

Read More »